Алімпійская чэмпіёнка патрабуе дабудаваць ёй жыллё

У Магілёве чэмпіёнка пекінскай Алімпіяды Аксана Мянькова дамагаецца, каб было адноўлена ўзвядзенне дома, у якім яна плануе набыць кватэру.

4 чэрвеня спартоўка прыйшла на прыём да старшыні аблвыканкаму Пятра Рудніка, якому паскардзілася на будаўнікоў. Дом меліся здаць яшчэ мінулай восенню, але спыніліся на шостым паверсе.

"Мяне цікавяць тэрміны здачы дома і якім коштам будзе квадратны метр", — цытуюць афіцыйныя крыніцы выказванні вядомай спартоўкі.

Як вынікае з афіцыйнай інфармацыі, праблемы з узвядзеннем гэтак званага алімпійскага дома ў Магілёве з'явіліся праз нястачу фінансавання. Цяпер замоўца дома і генпадрадчык не могуць дамовіцца пра кошт квадратнага метра.