• Чемпионат Беларуси по футболу
  • Биатлон
  • Хоккей
  • Футбол
  • Теннис
  • Баскетбол
  • Гандбол
  • Архив новостей
    ПНВТСРЧТПТСБВС


Фото: Дмитрий Брушко, TUT.BY
Фото: Дмитрий Брушко, TUT.BY

У хатняй гульні з балгарскім «Рылскі» мужчынскія «Цмокі» атрымалі чацвёртую перамогу ў Кубку ФІБА. Такім чынам, у напружанай, але ў той жа час яскравай гульні наша дружына атрымала квіток у другі раўнд спаборніцтва.

Як мы згадвалі ў анонсе, да сустрэчы на Мінск-Арэне «Рылскі» падыходзіў ў безвыходным становішчы. Для таго, каб захаваць шанцы на выхад у наступны раўнд, балгарам была неабходная перамога. Таму і не дзіўна, што госці, нягледзячы на статус аутсайдэра, вельмі актыўна пачалі супрацьстаянне, здзівіўшы не толькі хуткімі дзеяннямі, але і неверагодна высокай атакуючай эфектыўнасцю. Так, за 10 хвілін наш супернік запісаў у актыў аж 34 балы — і, зразумела, большую частку пярыяду вёў у ліку. Нават не звяртаючы ўвагі на тое, што і чэмпіёны Беларусі прывабна выглядалі на супрацьлеглай палове пляцоўкі. Аднак ні чарговага перфоманса Хіліярда, ні якасных камбінацыйных дзеянняў не хапіла для таго, каб пазбегнуць дэфіцыта ў «-7» да старту другой чвэрці.

Праўда, пасля перапынку наша дружына зноў адпавядала статусу фаварыта. Па-першае, не змяняючы тэмпа гульні, падапечныя Ігара Грышчука, тым не менш, павысілі якасць абароны. У чым, дарэчы, немалая заслуга Лашкевіча, які звыкла адыграў ролю слупа «фарбы» гаспадароў. Па-другое, вельмі эфектыўна вярнуўся ў строй Грэй, які, нагадаем, прапускаў мінулую сустрэчу. Зараз жа Джасцін толькі ў першай палове запісаў у актыў 6 «асістаў» і ўвогуле быў адным з лепшых у складзе мінчукоў у гэты вечар. Па-трэцяе, у неабходны момант актывізаваўся Мараш, які набраў 7 балаў запар у сярэдзіне чвэрці. Намаганні чарнагорца падтрымалі і беларусы. У прыватнаці, трапленні Кудраўцава і Лашкевіча дазволілі нашаму клубу адправіцца на перапынак з перавагай у «+6».

Тым не менш, большую частку трэцяй чвэрці «Рылскі» мала чым адрозніваўся ад той дружыны, якую мы бачылі ў дэбюце. Высокая атакуючая эфектыўнасць дазволіла ёй не толькі падабрацца да візаві, але і зноў выйсці наперад пасля экватара перыяду. Праўда, лідарства балгар трывалася ўсяго некалькі секунд. Пара перадач Грэя, яго ж штрафныя, далёкі кідок Хіліярда і ўдалыя дзеянні Семянюка дазволілі гаспадарам адзначыцца спуртам 9:0, які ў сваю чаргу вынудзіў настаўніка гасцей выкарыстаць тайм-аут. Ён, вядома, часткова спыніў «Цмокаў». Аднак не настолькі, каб унесці карэктывы ў сцэнар. Да апошняй чвэрці наша каманда падыходзіла з амаль двухзначнай перавагай.

Такое ж становішча захавалася да паловы заключнай чвэрці, калі пасля трапленняў Мараша і Кудраўцава розніца ў ліку складала 10 балаў. Менавіта тады госці выкарысталі перадапошні тайм-аут, і выкарысталі яго максімальна карысна. Так, яны не толькі не прапусцілі ніводнага бала за дзве з паловай хвіліны, але і скарацілі дэфіцыт у два разы. Тым не менш, адзначыцца паўнавартастным «камбэкам» балгары так і не здолелі. Сваечасовыя штрафныя Грэя і «алей-уп» у выкананні Хіліярда і Лашкевіча ў хуткай атацы пераўтварылі перавагу «Цмокаў» з «+5» да «+9». Якой, зразумела, хапіла для чацвёртай перамогі ў Кубку ФІБА і, такім чынам, выхада ў другі групавы раўнд спаборніцтва.

ЦМОКІ-МІНСК — РЫЛСКІ - 95:91 (27:34, 32:19, 23:21, 13:17)
Міркавіч (5), Кудраўцаў (11), Хіліярд (19), Мараш (17 + 9 пад), Семянюк (7); Грэй (11 + 8 пас), Лашкевіч (10), Лютыч (10), Ульянка (5), Белянкоў (н.в.).

-50%
-10%
-50%
-10%
-10%
-40%
-33%
-10%
0071388