• Чемпионат Беларуси по футболу
  • Биатлон
  • Хоккей
  • Футбол
  • Теннис
  • Баскетбол
  • Гандбол
  • Архив новостей
    ПНВТСРЧТПТСБВС
  1. Секондам запретили продавать новые вещи. Как рынок б/у одежды отреагировал на нововведение
  2. Сколько стоит тур на море в этом году и где можно отдохнуть в Беларуси? Интервью с экспертом туризма
  3. Теплое начало недели, а потом — похолодание. Прогноз погоды на ближайшие дни
  4. «Ребенок неудачно упал и оказался в коме». История Веры, которая работает в детском хосписе
  5. Бывшая жена Ивана Вабищевича: «Когда увидела интервью Вани о нашем расставании, у меня был шок»
  6. Кого государство назвало причастными к террористической деятельности после выборов-2020? Инфографика
  7. Самые теплые, крепкие и дешевые стены: сравнили газосиликат, керамзитобетон и керамические блоки
  8. Льняное масло: особенности применения, о которых нужно знать
  9. СМИ опубликовали разговоры подозреваемого по делу MH17 в день трагедии
  10. Это последние дни, за которыми что-то наступит. Чалый рассуждает о настроениях разных белорусов
  11. Автозадачка на выходные. Простая ситуация на перекрестке, но мало кто справится
  12. Я живу в 25 км от центра Европы. Как семья на хуторе в глуши среди леса делает сыры по рецептам ВКЛ
  13. На основателей Фонда солидарности BYSOL завели уголовное дело
  14. «Этот магазин для всех». В Минске открывается гастромаркет FishFood, где закупаются рестораны
  15. Крупных промышленных должников собрались оздоравливать через спецагентство
  16. Врач рассказывает, по каким симптомам узнать пневмонию
  17. Врача-невролога Руслана Бадамшина уволили — в день выхода из СИЗО он пришел на работу позже
  18. Начался суд по делу о наезде BMW на силовиков 11 августа. Водителю грозит до 25 лет тюрьмы
  19. Белорусов стали массово приглашать на вакцинацию от коронавируса. Узнали, как проходит процедура
  20. Тысячи сотрудников «Нафтана» и «Гродно-Азота» могут не получить допуск к работе по медицинским показаниям
  21. На какие курорты из Беларуси у туроператоров этим летом запланированы полеты?
  22. Как не пропустить рак легкого? Главное о здоровье за неделю
  23. Уголовные дела на руководителей BYSOL и исчезновение Александра Федуты. Что происходит 12 апреля
  24. Как река превращается в море. Большая вода на Полесье
  25. На картодроме в Стайках открыли сезон. На гоночном треке соревновались на время и Tesla, и УАЗ Patriot
  26. «Чем ниже спускаешься, тем больше горя». Жители домов над «Октябрьской» — о теракте в метро и фото, сделанных сразу после взрыва
  27. «Ура, Гагарин в космосе!» Как дети на «гродненском космодроме» запустили в небо мини-копию ракеты
  28. С 13 апреля снова дорожает автомобильное топливо
  29. Мининформ прекратил вещание телеканала Euronews в Беларуси
  30. Можно ли отсрочить климакс? Гинеколог отвечает на важные вопросы


Віталь Зыблюк, Павел Свярдлоў,

Трэнер жаночай зборнай распавёў Еўрарадыё, што замінае біятлону стаць нацыянальным відам спорту, калі пад нашым сцягам перастануць выступаць замежнікі, а таксама назваў склад зборнай на першы этап Кубка свету. 

Таяў мінулагодні снег

Еўрарадыё: Апошні трэніровачны збор у нашых біятланістак адбыўся ў фінскім Вуакаці. Над чым там працавала каманда?

Адрыян Цыбульскі: Вуакаці — гэта ў нас напрацаваны варыянт. Снег там захоўваецца з мінулага года. Адпрацавалі спакойна, свабодна, без мітусні. Усё, што трэба было, зрабілі. Таму, відаць, у наступным годзе паўторым.

Еўрарадыё: Як увогуле праходзіць падрыхтоўка да сезону?

Адрыян Цыбульскі: Мы сёлета крыху адышлі ад стандартнага варыянту. Дагэтуль мы шмат гадоў запар ездзілі ў кастрычніку ў аўстрыйскі Рамзау. Але там вельмі шмат людзей збіраецца ў гэты час. Гэта высакагорны глетчар, там снег ляжыць круглы год, а ў кастрычніку ён дасягае добрай кандыцыі. І таму ўвесь народ там! Да таго ж невялікае стрэльбішча. І калі шмат каманд, у беларускай каманды часам не вельмі зручны расклад: мы страляем у абед ці пад вечар. Адна гадзіна на 15 чалавек!

Еўрарадыё: Дык што, беларусаў там не паважаюць?

Адрыян Цыбульскі: Не, там усе ў роўных умовах. І расклад трэніровак змяняецца, але калі ў Рамзау хаця б палова трэніровак прыпадае на нязручны час, парушаецца рэжым, і мне гэта не вельмі падабаецца. Таму сёлета мы вырашылі крыху змяніць план падрыхтоўкі, паэксперыментаваць. І паехалі ў фінскі Вуакаці.

Беларускі біятлон робіцца сапраўды беларускім

Еўрарадыё: Беларускія біятланісты рэгулярна апынаюцца на п'едэсталах міжнародных спаборніцтваў. Мы, натуральна, не Нарвегія і не Германія, але магчыма, біятлон і ёсць наш нацыянальны від спорту?

Адрыян Цыбульскі: Увесь час, пакуль я працую, мы да гэтага імкнёмся. Добра было б, каб біятлон стаў нацыянальным беларускім відам спорту! Але быў пэўны правал у 1990-я, калі мы ўпусцілі свае пазіцыі ў сусветным біятлоне. У той час пасля перабудовы, калі ўсё разбуралася... А цяпер, разумееце, падраслі тыя дзеці, якія ў той час павінныя былі ісці ў секцыі і пачынаць займацца біятлонам. Літаральна тры гады таму мы пачалі адчуваць вынікі той сітуацыі.

Еўрарадыё: То бок дзяцей у біятлонных школах тады не было?

Адрыян Цыбульскі: Натуральна. Я добра памятаю той час, сам працаваў тады ў дзіцячай школе. Інтарэсы ў дзяцей былі зусім іншыя. Піянерскія ідэалы абрынуліся, нічога новага не было. Раслі на малінавых пінжаках і г.д.

Еўрарадыё: Ці даспеў наш біятлон да таго, каб яго прадстаўлялі выключна нашы спартоўцы, а не "былыя" расіяне ці ўкраінцы?

Адрыян Цыбульскі: Станоўчая тэндэнцыя ёсць. І я думаю, што хутка мы ўвогуле адмовімся ад гэтай практыкі. Але гэта справа не аднаго дня... І свае таленавітыя спартоўцы, якія паспяхова могуць выступаць у Кубку свету, узрастаюць не адразу. Запрошаны расійскія спартоўцы дапамаглі запоўніць паўзу. Але, мяркуючы па выступах нашай моладзі, якой шмат і ў гэтым годзе, мы рухаемся наперад. Думаю, што ўсё будзе добра.

Уся моладзь, якую мы набралі ў каманду, уключна з дзвюма лыжніцамі, якіх мы сёлета запрасілі паспрабаваць сябе ў біятлоне, — яны ўсе гадаванцы нашых спартовых школ. Нашы, беларускія дзяўчаты. Хіба што Надзея Пісарава — выключэнне. Яна з Санкт-Пецярбургу, але гэта ўжо не саломінка, за якую мы схапіліся, як калісьці была Алена Зубрылава. Ёй проста спадабалася Беларусь, калі яна прыязджала сюды, і мы пайшлі насустрач яе жаданню трэніравацца ў нашай камандзе.

Еўрарадыё: Дык усё ж, чые прозвішчы неўзабаве загучаць на стадыёнах?

Адрыян Цыбульскі: Лыжніцы, якіх мы запрасілі, — гэта Насця Дубарэзава і Іра Нафрановіч. З імі трэніруецца Ала Толкач, Ірына Крыўко з моладзевай беларускай каманды. І, у дадатак, мы сфармавалі рэзервовую каманду з даволі маладых спартоўцаў. Бо юнакі пачатку 1990-х, як мы ўжо казалі, з біятлона выпалі. У рэзерве ў нас дзяўчаты 1994-1995 гадоў нараджэння. Ім, натуральна, будзе даволі цяжка прабіцца ў Сочы. Але — працуем на будучыню!

У біятлон дзеці прыходзяць у 11-12 гадоў, а то і пазней

Еўрарадыё: Ці ёсць у нашых дзяцей увогуле жаданне ісці ў біятлон?

Адрыян Цыбульскі: Гэта залежыць ад таго, наколькі паспяхова выступае зборная каманда. Калі мы добрыя вынікі паказваем, і па тэлевізары ўсе бачаць нашы перамогі — гэта для дзяцей вялікі стымул. І яны ідуць у секцыі, каб быць падобнымі на Дашу, на Сярожу і г.д.

Еўрарадыё: А ў якім узросце мае сэнс пачынаць займацца біятлонам? Ці спачатку лепш пайсці ў лыжны спорт? Што ўвогуле трэба, каб узялі ў біятлонную секцыю хлопчыка ці дзяўчынку, скажам, шасці гадоў?

Адрыян Цыбульскі: У секцыі ўсім дарога адкрытая, асаблівага адбору там не праводзіцца. Але ўжо пры пераходзе на наступную прыступку — гэта спартовыя вучэльні, інтэрнаты — пачынаецца адбор. Далей — зборная, і іспыты яшчэ больш складаныя. А што датычыцца ўзросту, дык 6 гадоў — гэта зарана. Дзеці ідуць у біятлон з 11-12 гадоў, а менавіта біятлонная спецыялізацыя, на маю думку, мусіць пачынацца яшчэ пазней.

Каб займацца кожным відам спорту, чалавек найперш павінен быць здаровым. І на пачатковым этапе дзіцячыя школы мусяць закладаць не ўменне працаваць з вінтоўкай, а вось гэтае абавязковае здароўе. Для біятлона — не толькі праз лыжныя гонкі. Патрэбныя і плаванне, і гімнастыка. І вось калі прыходзіць развіты падлетак — з ім можна пачынаць спецыялізацыю.

Еўрарадыё: Але рэзервісткам у нашай зборнай камандзе ўсяго па 16 гадоў! Атрымліваецца, яны толькі па 5 гадоў у біятлоне?

Адрыян Цыбульскі: Мы вымушаныя праглядаць дзяцей гэтага ўзросту. Гэта не азначае, што мы іх ужо ўзялі ў зборную і рыхтуем. Мы праглядаем і плануем іх працу над сабой — тую, якая, на нашу думку, дасць плён.

Еўрарадыё: Ці шмат у біятлоне залежыць ад трэнера? І, у прыватнасці, ад трэнера дзіцячага?

Адрыян Цыбульскі: Ад першага трэнера залежыць абсалютна шмат. Я сутыкаўся з тым, напрыклад, што вельмі складана паўплываць на тэхніку лыжнага ходу. Можна "зламаць", але да заканчэння кар'еры і нават пасля будзе добра бачна, хто ў каго вучыўся. Але галоўнае нават не гэта, а тое, ці навучаць трэнеры любіць свой спорт, старанна трэніравацца. Я не схільны абмяркоўваць працу іншых трэнераў. Але хачу сказаць, што ў нашай краіне і, у прыватнасці, у біятлоне мы імкнёмся змяніць падыходы да гадавання рэзерваў.

Еўрарадыё: А дзе рыхтуюць біятлонных трэнераў, як яны вучацца?

Адрыян Цыбульскі: Усё жыццё вучацца. Бо няма такой догмы: прыйшоў і даведаўся, што такое біятлон! У нас за год вельмі шмат змяняецца. Гэта ж тэхнічны від спорту! Змяняюцца падыходы да падрыхтоўкі стадыёнаў, лыжаў. Адпаведна, змяняюцца хуткасці. І ў выніку — тэхніка ходу. І са зброяй тое самае. Развіццё не спыняецца ніколі.

Еўрарадыё: Ці хапае ў краіне трэнераў па біятлоне?

Адрыян Цыбульскі: Я лічу, што чым больш трэнераў і юнацкіх спартовых школ — тым лепш. Але, зразумейце, іх ніколі не будзе хапаць! Таму і нашая федэрацыя, і СМІ, якія працуюць у спорце, мусяць прапагандаваць здаровы лад жыцця. Калі ўсе дзеці ў нашай краіне пачнуць займацца спортам — ды хаця б тым жа біятлонам! — гэта будзе вялікае дасягненне.

Внимание! У вас отключен JavaScript, или установлена старая версия проигрывателя Adobe Flash Player. Загрузите последнюю версию флэш-проигрывателя.


Асабістае жыццё беларускіх біятланістак — у інтэрнэце!

Еўрарадыё: Ці сутыкаюцца біятланісткі з фінансавымі праблемамі?

Адрыян Цыбульскі: Нават у Нарвегіі, дзе бюджэт біятланістаў не абмежаваны — бяры, колькі на развіццё трэба, — з фінансамі здараюцца праблемы. Мы таксама часам з імі сутыкаемся. Але на ўзроўні нацыянальнай каманды ўсе пытанні заўжды закрываюцца.

Праўда, ад старога "менталітэту", па якім пра нас нехта павінен клапаціцца, трэба сыходзіць як мага хутчэй. Трэба шукаць! І калі працуе федэрацыя, калі працуе міністэрства, трэнеры каманды, менеджары — фінансавае пытанне вырашаецца. А чакаць, пакуль нехта прыйдзе і скажа: вось вам грошы, працуйце, калі ласка, — гэта ў мінулым. Каманда ў нас у федэрацыі падабралася добрая: шукаем грошы, шукаем магчымасці... І знаходзім.

Еўрарадыё: Ці ёсць у жаночым біятлоне "дзедаўшчына"?

Адрыян Цыбульскі: Я спрабаваў прывіць унутраную канкурэнцыю. Але пакуль што, наадварот, я бачу жаданне старэйшых дзяўчын дапамагчы моладзі адаптавацца ў камандзе. Магчыма, пасля старту сезону, калі гэтая моладзь пачне наступаць "старажылам" на пяткі, што-небудзь і зменіцца.

Еўрарадыё: Наколькі напружаны графік трэніровак у нашых біятланістак? Ці хапае часу на асабістае жыццё?

Адрыян Цыбульскі: Спорт — гэта такая справа, што абавязкова мусіш чым-небудзь ахвяраваць. Ці выбіраць. І калі выбраў прафесійны спорт — пра асабістае жыццё трэба забыць. А хто імкнецца неяк сумяшчаць — звычайна нічога не дасягае.

Што ж да асабістага жыцця нашых дзяўчат — дык яно, наколькі я бачу, у іх усё ў інтэрнэце! Што зробіш, спорт наш звязаны з лыжамі, са снегам. Натуральна, шмат часу мы праводзім у камандзіроўках. Ад гэтага і танчым! Таму і асабістае жыццё, збольшага, віртуальнае. Гэта нават прытым, што сёлета мы зрабілі невялікае паслабленне, і адпачынак у нашых біятланістак быў крыху большы, чым звычайна, крыху больш яны пажылі дома. А з наступнага года пачнём закручваць гайкі. І працягнем гэты працэс да самай Алімпіяды ў Лондане.

Новы год біятланісткі сустрэнуць у Аўстрыі

Еўрарадыё: Што далей у планах зборнай?

Адрыян Цыбульскі: Вось скончыўся перыяд паміж зборамі, і з 5 лістапада каманда ізноў у Фінляндыі. Там палярная ноч, і нашы манатонныя трэніроўкі ў лесе даюцца спартсменкам даволі цяжка. А далей, без заезду дадому, пачынаем удзельнічаць у Кубку свету, які пачынаецца ў першы тыдзень снежня. Ён складаецца з 9 этапаў, і першы трыместр — Эстэрсунд у Швецыі, Хохфільцэн у Аўстрыі і Паклюка ў Славеніі.

Пасля — літаральна тыдзень перапынку дома, і ізноў едзем у Аўстрыю — рыхтавацца да другога трыместру. Там святкуем Новы год. Святкуем да 12 гадзінаў і кладземся спаць!!! Бо зусім хутка ў Аберхофе пачынаецца жаночая эстафета.

Еўрарадыё: Навагоднія зборы адбываюцца ў Аўстрыі недзе недалёка ад Аберхофа?

Адрыян Цыбульскі: Так, пераезд хуткі, і гэта вельмі зручна. Дарэчы, ужо чатыры разы мы з камандай сустракалі Новы год у Аўстрыі, і сёлета будзе пяты.

Еўрарадыё: Ці можаце зараз раскрыць карты, хто будзе стартаваць на першым этапе ў Эстэрсундзе?

Адрыян Цыбульскі: Гэта сказаць нескладана, бо не ўсе могуць стартаваць на першым этапе. Некаторым трэба спярша прайсці кваліфікацыю на Кубку IBU. Таму адны паедуць туды, а іншыя — на этап Кубка свету. Пасля вераснёўскага кангрэсу ў нас зменшылася квота: замест 6 дзяўчат на старт выйдзе 5, а ў хлопцаў 4 замест 5. Нашы 5 чалавек — гэта Домрачава, Калінчык, Скардзіна і Ала Толкач. А па пятай дзяўчыне будзем вызначацца пасля Бейтастолена [першы этап Кубку IBU 2010/11. — Еўрарадыё]. Калі паспеем пераехаць адтуль у Эстэрсунд і дазаявіць каго-небудзь — будзе 5 чалавек. Калі не — на першым этапе Кубку свету будуць стартаваць чатыры беларускі.

Еўрарадыё: З чым звязана тое, што паменшылася квота беларускай зборнай?

Адрыян Цыбульскі: Квоты зменшыліся не толькі ў нас, але ва ўсіх! Справа ў тым, што тэлеканал "Еўраспорт" заўжды патрабаваў зменшыць колькасць удзельнікаў этапаў Кубка свету. 100 чалавек для іх — зашмат, бо лідары сезона ў біятлоне звычайна стартуюць у пачатку, і людзі, паглядзеўшы на іх, пачынаюць пераключацца на іншыя каналы, не даглядаюць хвост трансляцыі. Па колькасці ўдзельнікаў Міжнароднай федэрацыі біятлону і "Еўраспорту" заўжды даволі складана знайсці кампраміс. 

-20%
-40%
-10%
-50%
-70%
-10%
-10%
-10%
0072964