Поддержать TUT.BY
65 дней за решеткой. Катерина Борисевич
Коронавирус: свежие цифры
  1. На продукты, лекарства и детские товары подняли НДС. Рассказываем, что может заметно подорожать
  2. За восемь дней задержали более 500 человек: по БТ показали «социально-возрастной портрет» протестующих
  3. Послы Польши и Литвы так и не вернулись в Минск после отзыва в свои столицы осенью. Это надолго?
  4. ТВ-горки и стенки канули в прошлое. Дизайнеры рассказали, какие полки и TV-тумбы в тренде
  5. В Беларуси хотят ввести новшества по борьбе с коррупцией. Что могут изменить
  6. История врача, который два раза переболел ковидом и четыре раза был задержан — но не теряет оптимизма
  7. Умер Ларри Кинг
  8. И ездить не стыдно, и налог платить не надо. Подборка крутых автомобилей старше 1991 года выпуска
  9. 555 долларов за «квадрат». Под Минском построили частный дом из мапидовских панелей. Вот он какой
  10. Московский суд арестовал белорусского бойца Алексея Кудина на два месяца
  11. В России ищут 80 вагонов для поставки бронетранспортеров БТР-80 в Беларусь. Разбираемся, в чем дело
  12. Двое детей, с женой в разводе. Кто тот минчанин, который поджег себя на площади Независимости
  13. 18-летней Софии, которая расписала щиты военных, дали два года колонии. Ее другу — полтора
  14. «В акциях участвует немногочисленное количество человек». Милиция сообщила о 100 задержанных в субботу в Минске
  15. В 2020-м году — семилетний антирекорд по покупке квартир. Эксперты рассказали, что происходит
  16. Жительница Петербурга, получившая удар в живот от полицейского, — в реанимации. Полиция перед ней извинилась
  17. «Леха, выходи». В России на акциях в поддержку Навального рекордное число задержаний за 10 лет
  18. Милиция так и не смогла найти, кто повредил мотоцикл байкера, который лихо уходил от погони ГАИ во время протестов
  19. В Беларуси произошли массовые прорывы теплосетей. Неужели все так плохо?
  20. Прощальная служба Кондрусевича, БЧБ-снеговики, акции. Что происходит в Беларуси 24 января
  21. «Даже взгляд сфокусировать не мог». Поговорили с родными ученика, который после школы с ЧМТ попал в больницу
  22. Новый КоАП вводит правило «первого раза» для водителей: за какие нарушения сначала не будет штрафа
  23. Без жестких диет. Совет Елены, которая много раз пробовала похудеть и наконец сбросила 21 кг
  24. «Муж старше моей мамы на два года». История пары с большой разницей в возрасте
  25. Синоптики предупреждают о туманах в воскресенье и понедельник
  26. В Борисове горел дом: погибли четыре человека
  27. «Поток ринувшихся к границе превратил окраину Бреста в «прифронтовую полосу». Как нашим уже пытались запретить выезд
  28. «Ответила: «Да». Ролик, где минчанин делает предложение, набрал около семи миллионов просмотров
  29. За сутки умерли 10 пациентов с коронавирусом. Минздрав озвучил последние цифры о COVID-19
  30. «Не уверен, что он сам в этот колодец бы прыгнул». Родители о гибели 10-летнего мальчика в Пуховичском районе


Клім Халецкі, фота Анна Іванова,

Rusty Nail, Eligible LOM, Patrick Star, Abdullah, Hummer, Marik, Coprogore... Гэта не імёны супергерояў з коміксаў Marvel, а нікнэймы рэстлераў з Гомеля. Нядаўна на ўрадлівай паўднёвай глебе закаласіўся першы рэстлінг-прамоўшан – арганізацыя, якая праводзіць прафесійныя рэстлінг-шоу і рыхтуе байцоў. 34mag з’ездзіў у Гомель, каб паглядзець на трэніроўку беларускіх Халкаў Хоганаў і пазнаёміцца з заснавальнікам дзвіжухі Аляксандрам Хазардам.

"Тым, хто думае, што гэта – бутафорыя, раю пару разоў ё*нуцца на падлогу з канатаў"


"На апошнім шоу я павінен быў суперніку пакоцаць твар відэльцам. Але нешта пайшло не так, і кроў пусцілі мне", – распавядае лагодны рэстлер Abdullah і з гонарам паказвае мне фатаграфіі вынікаў бойкі.
 
Месца нашай сустрэчы – зала гомельскага ДК "Беліцкі". Час тут спыніўся за некалькі дзесяцігоддзяў да таго, як у Беларусі пачулі слова "рэстлінг". Сёння субота, усе спазняюцца. Таму мы з Abdullah перабіраемся ў сціплае падсобнае памяшканне: пара гантэляў на падлозе, "залатыя" кубкі чэмпіёнаў на сцяне і комп, на якім нон-стоп ідуць рэстлінг-мувікі.




На экране – культурная рэвалюцыя ў ДК вёскі Капцэвічы. Два гомельскія рэстлеры ладзяць "хардкор" – бой без правілаў з выкарыстаннем незвычайнай "зброі". Спачатку аб аднаго рэстлера разбіваюць люмінесцэнтныя лямпы, потым да ягонай жа спіны стэплерам прымацоўваюць паперкі і завяршаюць дзеянне ўтыканнем шпрыцаў у галаву. Кроў залівае стары паркет Дома культуры, але мясцовыя жыхары не выклікаюць міліцыю, а пляскаюць у ладкі і ўхвальна крычаць.
 
Для большасці беларусаў рэстлінг распачаўся і скончыўся Халкам Хоганам ды трансляцыямі па ТНТ, якія камічна каментаваў Мікалай Фаменка напрыканцы 1990-х. У іхных успамінах рэстлінг – гэта мужчыны ў яркіх трыко, якія больш падобныя на блазнаў і камедыянтаў, чым на сапраўдных байцоў. Abdullah спрабуе даказаць мне, што ўсё не так прымітыўна: "Існуюць розныя школы рэстлінгу: амерыканская, японская, мексіканская. Нам бліжэйшая японская: жорсткая і рэалістычная. Вядома, рэстлінг – прафесійнае шоу. Пераможца тут звычайна вядомы загадзя, а байцы адпрацоўваюць пэўныя ролі. Але тым, хто думае, што ўсё гэта – бутафорыя і дзіцячы сад, я раю прыйсці на трэніроўку і паспрабаваць пару разоў ё*нуцца на падлогу з канатаў".
 
А 17:00 прыходзіць Аляксандр Хазард – моцны хлопец 24 гадоў з татуіроўкай "Кorn" на шыі ды бейсболкай на галаве. Ён – прамоўтар, заснавальнік гомельскай школы рэстлінгу і галоўны ідэолаг яго прасоўвання на беларускай зямлі. У дзяцінстве Аляксандр аб’ездзіў палову Еўропы ў межах праграмы дапамогі "дзецям Чарнобыля". З падарожжа прывёз фатаграфіі, дух супраціву і захапленне рэстлінгам.

"Гадоў у сем я пабачыў ў Італіі мульт пра рэстлераў “Маска тыгра”, – успамінае бесклапотныя гады Аляксандр. – Захварэў гэтай тэмай і задаўся мэтай знайсці школу, дзе з мяне маглі б зрабіць профі. У 12 гадоў у той жа Італіі ўпершыню пачаў сур’ёзна трэніравацца. Потым займаўся яшчэ ў Германіі ды Англіі".
 
Вярнуўшыся ў Беларусь, ніякіх прыкмет рэстлінгу Аляксандр не выявіў. Некаторы час ён займаўся бізнесам у фармаце "купі-прадай", а ў 2011-м пачаў працаваць над тым, чаго прагнуў усёй душой: арганізаваў сваю школу рэстлінгу ў Гомелі. Цяпер у ягоным прамоўшане – 10 рэстлераў. Прычым толькі адзін з іх вытрымаў усе два гады. Зразумеўшы сутнасць ды інтэнсіўнасць трэніровак, дзіўлюся, што застаўся хоць хтосьці.

"У фізічнай падрыхтоўцы з намі могуць параўнацца толькі акрабаты"

 
Трэніруюцца рэстлеры па 4 гадзіны 7 дзён на тыдзень. Трэнажорную залу асабліва не паважаюць і амаль заўсёды працуюць "са сваёй вагой" паводле адмысловай рэстлерскай сістэмы Gotch's Bible. "У рэстлінгу, як у сексе, галоўнае – трываласць,– кажа адзін з рэстлераў. – А гэтая сістэма яе крута развівае".
 
Я гляджу, як на рынгу стаяць чацвёра хлопцаў з самаробнымі дошкамі для адцісканняў. На падлозе ляжыць калода карт. Рэстлеры тасуюць яе і ў залежнасці ад карты, якая выпадае, робяць пэўныя практыкаванні. Чорныя карты – прысяданні, чырвоныя – мудрагелістыя адцісканні. Колькасць паўтораў залежыць ад канкрэтнай карты. "7 чарвякоў" – адціскацца 7 разоў, валет, дама і кароль – 10, туз – 11, джокер – 20. Для прысяданняў гэтую колькасць трэба памножыць на два.
 
"Gotch's Bible прыдумалі, каб не надакучвала аднастайнасць трэніровак, – кажа Аляксандр. – Акрамя таго, рэстлеры часта не маюць трэнажорнай залы непадалёк месца бойкі, а паводле гэтай сістэмы ўсё, што табе трэба для трэніроўкі, ты носіш у сябе за плячыма".




Пасля Gotch's Bible хлопцы расцягваюцца і адпрацоўваюць кідкі.У пошуках удалага кадра наш фатограф просіць іх біць адзін аднаго аб рынг па 3 разы запар. Яны з усмешкай згаджаюцца і дэманструюць багацце свайго сцэнічнага рэпертуару.
 
"Барцы і баксёры смяюцца з рэстлераў… пакуль не трапяць на трэніроўку, – закранае тэму канкурэнцыі відаў Аляксандр. – Два з маіх хлопцаў нядаўна прыселі 2100 разоў, адціснуліся па 2000 разоў за дзве гадзіны. У фізічнай падрыхтоўцы з намі могуць параўнацца толькі акрабаты". 
 
Пачуўшы нашу гутарку, рэстлеры забываюцца на трэніроўку ды пачынаюць пералічваць свае рэкорды і дасягненні. А суровы прамоўтар дадае, што "калі ты прыйшоў за аватаркай для “ВКонтакте”, то доўга тут не вытрымаеш. Мне патрэбныя хлопцы, якія могуць працаваць на тэлевізійным узроўні".

"Рабілі ў цэнтры рынга басейн і лупілі адзін аднаго рыбай" 

 
Трэніроўка ідзе ўжо чатыры гадзіны, але хуткасці ніхто не скідвае. На рынг залазяць прыгожыя даўганогія дзяўчаты. З іх з’яўленнем градус брутальнасці паніжаецца, і я ўспамінаю, што рэстлінг – гэта тэатралізаванае шоу, а не спорт высокіх дасягненняў.
 
У беларускім рэстлінгу пераможца і агульны план бою вядомы загадзя, а ўдары наносяць не на поўную сілу. Сярод рэстлераў ёсць "фэйсы" – добрыя хлопцы, якія б’юцца паводле правілаў, а ёсць "хілы" – bad guys, якія выкарыстоўваюць брудныя прыёмы.
 
"Рэстлінг – гэта спартовы шоу-бізнес, поспех тут – гэта любоў публікі, – распавядае Аляксандр. – Мы спрабуем рабіць яскравыя, эпатажныя баі. Вось біліся з завязанымі вачыма, рабілі ў цэнтры рынга басейн і лупілі адзін аднаго рыбай з яго глыбіні… З пункту гледжання pro-рэстлінгу – лайно. Але гледачам такое падабаецца больш за ўсё".
 
Галоўнае адрозненне беларускага рэстлінгу ад сусветных аналагаў – поўная адсутнасць грошай і спонсараў. Нават рынг, на якім праходзяць баі, рэстлеры сабралі самі. Нягледзячы на гэта, за апошнія чатыры месяцы Xtreme Syndicate (Pro) Wrestling арганізаваў ужо шэсць шоу (чатыры з іх – у Гомелі, адно ў Капцэвічах і яшчэ адно ў Жодзіне). У планах праз год – усталяваць тры рынгі па ўсёй краіне, правесці шоу ў Маскве і некалькі разоў разыграць тытул чэмпіёна прамоўшану. Паўшэптам мне нават паведамляюць, што ёсць дамоўленасць з "адным буйным каналам" аб тэлеверсіі шоу.



Напрыканцы мы з Аляксандрам Хазардам выходзім на рынг, і ён паказвае мне некалькі прыёмаў. Мае ўражанні: хутка, складана, балюча. "Рэстлінг – гэта прафесійны спорт, – напрыканцы кажа Аляксандр. – Тут аматараў не паважаюць. Каб чагосьці ў ім дамагчыся, трэба працаваць па 12 гадзінаў. Вось у мяне ёсць жонка і дзіця, але я перш за ўсё pro-рэстлер, а не тата або муж. Гэта мая стыхія, і я павінен зрабіць яе папулярнай у маёй краіне".