Футбалісты "Дынама" Брэст затрымалі на 10 хвілін пачатак матчу: Не плаціць чатыры месяцы заробак — гэта не нармальна

У матчы 10-га тура брэсцкае "Дынама" выйграла ў "Славіі" 1:0.

БАТЭ проигрывает "Гомелю", "Нафтан" карабкается наверх. Итоги 10-го тура чемпионата страны по футболу >>> 

"TUTэйшы футбол". БАТЭ отправляется в крутое пике, а чемпионат перестает быть томным >>>

Падапечныя Уладзіміра Курнева ў знак пратэсту супраць запазычанасцяў па зарплаце на 10 хвілін затрымалі пачатак чарговага матчу.

У гэты час заўзятары пару разоў крыкнулі: "Сумар [губернатар вобласці - НН], выходзь", паведамляюць чытачы НН.

Некалькі заўзятараў таксама залезлі на дах.

Форвард "Дынама" Мікалай Сігневіч, які забіў гол, пракаментаваў football.by рашэнне гульцоў затрымаць пачатак паядынку:

"Кіраўніцтва прасіла нас не затрымліваць гульню, але гэта рашэнне было прынята даўно ўсёй камандай. Мы з аднаго боку разумеем наша кіраўніцтва, аднак і яно павінна нас разумець. Чатыры месяцы не плаціць зарплату — гэта ненармальна.

Так, былі нейкія сходы, але каманда ўсё роўна вырашыла затрымаць гульню.

Прычым, гэта агульнае меркаванне: і гульцоў, і трэнерскага штаба.

Трэба было затрымаць матч. Думаю, пасля гэтага хоць нейкія зрухі пачнуцца, сітуацыя стане паляпшацца", — сказаў Мікалай Сігневіч.