Хоккей


З нагоды выхаду каманды ў плэй-офф КХЛ у адрас кiраўнiцтва БФСТ "Дынама" и ХК "Дынама-Мiнск" дасланы віншаванні. Выхад “Дынама-Мінск” у плэй-офф Кантынентальнай хакейнай лігі стаў сапраўдным святам для ўсіх тых, хто на працягу чэмпіяната падтрымліваў каманду, верыў у нашых хакеістаў і трэнераў.

Значную падзею ў свеце беларускага спорту адзначыла кіраўніцтва Прэзідэнцкага спартыўнага клуба. Вельмі прыемна было пачуць цеплыя словы ад першага віцэ-прэзідэнта НАК Беларусі Iгара Заічкова, памочнiка прэзiдэнта краiны Уладзiмiра Мацвейчука, міністра спорту і турызму Алега Качана, прадстаўнiкоў уладаў сталiцы, iншых кiраўнiкоў i арганiзацый.

Першы ў гiсторыi выхад беларускай хакейнай каманды у плэй-офф КХЛ — гэта поспех усяго беларускага хакея. Таму свае віншаванні клубу выказалі старшыня асацыяцыі “Федэрацыя хакея Рэспублікі Беларусь” Яўген Ворсін, галоўны трэнер ХК “Юнацтва-Мінск” Міхаіл Захараў, кіраўнік Вышэйшай хакейнай лігi (Расія) Герман Скарапупаў.

Асобна наш клуб выказвае падзяку спонсарам i партнёрам, у першаю чаргу генеральнаму партнёру — закрытаму акцыянернаму таварыству “Беларуская калійная кампанія”, акцыянернаму таварыству “Керамін”, кампаніі “Юнiвест-М”. Кіраўніцтва дадзеных прадпрыемстваў таксама даслала віншаванне ў адрас клуба. Упершыню большасць матчаў рэгулярнага чэмпіяната “Дынама-Мінск” правяло на грандыёзнай "Мінск-Арэне" — адным з найлепшых стадыёнаў у Еўропе.

Сваё віншаванне клубу даслаў генеральны дырэктар "Мінск-Арэны" Мікалай Ананьеў. Таксама былі атрыманы віншаванні ад галоўнага рэдактара газеты “Прессбол” Уладзіміра Беражкова.

Трэба адзначыць, што паміж хакейным і гандбольным дынамаўскімі клубамі ўсталявалася добрая, братэрская сувязь. Мы заўседы сочым за выступленнем гандбалістаў “Дынама-Мінск” і ў адказ атрымліваем тую ж увагу і падтрымку. Дзякуй кіраўніцтву ГК “Дынама-Мінск” за шчырае віншаванне. Асобна хакейны клуб “Дынама-Мінск” адзначае сваіх прыхільнікаў, якія шчыра падтрымлівалі каманду не толькі ў час перамог, але і ў перыяд няўдач!

Шматлікія віншаванні, якія атрымаў клуб, — гэта самы вялікі падарунак для нас. Дзякуй вялікі! Разам з тым мы ведаем, што выхад каманды ў плэй-офф — гэта яшчэ не ўсе. Сезон працягваецца, і ў плэй-офф беларуская каманда зробіць усе, каб годна прадставіць нашу краіну, наш хакей на высокім узроўні. Мы верым: з вашай падтрымкай “Дынама-Мінск” здольнае на многае!

P.S. У Міжнародны дзень роднай мовы навіны на афіцыйным сайце ХК "Дынама-Мінск" выходзяць толькі на беларускай мове.
Нужные услуги в нужный момент
-15%
-12%
-20%
-20%
-15%
-10%
-30%
-20%
-20%