Вікторыя Азаранка выйшла ў чвэрцьфінал Australian Open

У матчы 1/8 фіналу Адкрытага чэмпіянату Аўстраліі па тэнісе беларуска (№ 3 сусветнага рэйтынга) 22 студзеня выйграла ў Іветы Бенешавай (№ 46) з Чэхіі 6:2, 6:2.

У чвэрцьфінале Вікторыя згуляе з Агнешкай Радванскай з Польшчы.

Год таму беларуска выбыла ў адзіночным разрадзе ў 1/8 фіналу.

У парным разрадзе Максім Мірны (Беларусь) і Дэніэл Нестар (Канада) выйгралі ў Даніэле Брачыале / Паціта Старачэ (Италия) – 7:6, 6:2. Супернік у 1/4 фіналу яшчэ не вызначыўся.