• Хоккей
  • Биатлон
  • Футбол
  • Теннис
  • Гандбол
  • Баскетбол
  • Архив новостей
    ПНВТСРЧТПТСБВС


У мінулую суботу 22-гадовая Вікторыя Азаранка перамагла на сваім першым турніры серыі Grand Slam і зрабілася першай ракеткай свету. Азаранка не вельмі любіць размаўляць з прэсай на тэмы, не звязаныя наўпрост з тэнісам, і толькі апошнім часам занялася тым, што называюць іміджам. Каб зразумець, што ўяўляе з сябе новая каралева сусветнага тэнісу, мы знайшлі і прачыталі амаль усе інтэрв’ю Вікі. Тое, што нам падалося цікавым, цытуем ніжэй.

Виктория Азаренко официально возглавила мировой рейтинг WTA (инфографика и видео) >>>



  • Мяне натхняе Штэфі Граф. Яна была маім кумірам у дзяцінстве, і ў мяне была магчымасць згуляць супраць яе адзін раз на выставе ў горадзе Бойс, штат Айдаха, у 2004-м. І гэта быў адзін з найлепшых момантаў у маім жыцці.

  • Першыя ўспаміны пра тэніс – калі я выйграла свой першы турнір. Мне было восем гадоў, і мне далі велізарнага мядзведзя. Ён быў большы за мяне.

  • Калі не лічыць тэнісу, мой любімы спорт – хакей.

  • Я вялікі фанат "Барсы".

  • Мне падабаецца хадзіць па крамах, у кіно, такія тыпова дзявочыя рэчы. Я проста нармальная дзяўчына.

  • Я люблю шопінг, проста галаву зрывае. Я люблю купляць адзенне Gucci, абутак Dior, і звычайна ў кожным горадзе, дзе я бываю, я раблю сякія-такія пакупкі. Акрамя таго, хаця большасць людзей гэтага не ведае, я вельмі люблю аўтамабілі і хутка ездзіць.

  • Ці думала я пра тое, каб сысці са спорту? Літаральна некалькі секунд. Мая маці хутка выбіла гэтую дурасць з маёй галавы.

  • Да мяне Наташа Зверава і Макс Мірны былі сапраўды папулярныя ў Беларусі, таму я не ўпэўненая, што з-за мяне цікавасць да тэнісу павялічылася, аднак спадзяюся, што так.

  • У чым сакрэт майго спакою? Мяне не турбуе, што я магу прайграць. Я проста раблю ўсё, што ад мяне залежыць. Я змагаюся за кожны мяч.

  • Калі вы прайгралі матч – вы толькі прайгралі тэнісны матч. Не трэба рабіць з гэтага драмы, гэта не канец свету. Столькі здарэнняў у свеце, паглядзіце, што робіцца ў Японіі [маецца на ўвазе Фукусіма. – 34mag], а мы тут здольныя гуляць у тэніс, займацца тым, што мы любім.

  • Перш за ўсё трэба заплаціць падаткі, і гэта сапраўды можа разарваць табе сэрца [у адказ на пытанне: "Што вы збірайцеся рабіць з $700 000 прызавых?". - 34mag].

  • Калі я першы раз пабачыла Марыю Шарапаву? Першы раз, калі ёй было 12. Калі ёй было 14, яна была ўжо ў тры разы большая.

  • Часам трэба быць проста ўдачлівым.

  • Што для мяне дом? Мінск.

  • Я не п’ю нічога алкагольнага, толькі вадзічку.

  • Я, як дзіця, вельмі люблю дэсерты. Вялікі кавалак торта можа зрабіць мяне па-сапраўднаму шчаслівай.

  • Я не веру ў іншапланецян. Хаця некаторыя людзі выглядаюць так, што пачынаеш сумнявацца.

  • Адзін з апошніх жартаў я пачула ў Італіі. Хлопец ідзе па вуліцы з двума кавунамі. Яго пытаюць, колькі часу? Ён кладзе абодва кавуны на зямлю, разводзіць рукамі: "Я не ведаю".

  • Я рада размаўляць з прэсай наконт усяго, што звязана з тэнісам, аднак я не хачу рабіцца часткай поп-свету.

  • Я цікавая асоба, калі пазнаёміцца са мной бліжэй. Гэта медыя могуць зрабіць цябе добрым або дрэнным.

  • Шматлікія гульцы "зробленыя" і вымушаныя падпарадкоўвацца свайму іміджу. Для сябе я вырашыла: "Да чорта гэта! Я такая, якая ёсць".

  • Пацешна, што людзі выдаткоўваць грошы на тое, каб замерыць узровень крыку. Лепш раздайце гэтыя грошы каму-небудзь. Камон.

  • Я пачынала трэніравацца ў групах па 40 чалавек. На корце было ўсё, што заўгодна, акрамя месца і камфорту. Чым лепшаю я рабілася, тым меншымі былі групы. Цяпер я трэніруюся адна са сваім трэнерам у Фларыдзе.

  • Бабуля, я цябе люблю.

-10%
-50%
-20%
-40%
-40%
-20%
-85%
-10%
-25%
-20%
0061580